पावसाळ्यांत घरातील लाकडी दरवाजे-खिडक्या फुगू नये म्हणून उपाय :-

१. पावसाळ्यात, लाकडी दरवाजे कधी कधी फुगतात किंवा बुरशीच्या खुणा दिसतात. अशा स्थितीत, पावसाळ्यात लाकडी दरवाजा खराब होण्यापासून वाचवण्यासाठी आपण ऑयलिंग किंवा वॅक्सिंगचा वापर करु शकतात. त्यामुळे दरवाजाचे मोठ्या प्रमाणात नुकसान होण्यापासून बचाव करता येतो. तेल लावण्यासाठी आपण ऑलिव्ह ऑईल वापरू शकता. दार – खिडक्यांना तेल लावल्याने ते फुगून गच्च बसणार नाहीत.

२. लाकडी दरवाजे वेळच्यावेळी पॉलिश करून घेतले तर ते लवकर खराब होत नाहीत. यासाठी पावसाळा सुरू होताच घरातील दरवाजे आधीच पॉलिश करून घ्यावेत. ज्यामुळे दरवाज्याला लागलेली बुरशी, वाळवी किंवा छिद्रे नष्ट होतात. सहाजिकच यामुळे दरवाजे फुगत नाहीत आणि खराब देखील होत नाहीत.

३. साफसफाईचा ब्रश किंवा कापड पाण्यात भिजवून आपण दरवाजा, खिडकी इत्यादी वस्तू स्वच्छ करतो. जर आपण पावसाळ्यात अशी चूक केली तर दरवाजा खराब होऊ शकतो. जर आपल्याला पावसाळ्यातही लाकडी दरवाजा स्वच्छ करायचा असेल तर, ओल्या कपड्याने स्वच्छ करा. पाण्याऐवजी कपडात इसेंशियल ऑईल घालून देखील स्वच्छ करू शकता.

४. मेणबत्तीचा वापर करून आपण खिडक्या-दारांच्या घट्ट बसण्याची समस्याही दूर करू शकता. सर्वप्रथम मेणबत्ती चुरा. मग चुरलेली मेणबत्ती घट्ट झालेल्या कडीवर, लॉकिंग सिस्टमवर, दरवाजाचे हँडलमध्ये भरा आणि तीन चार वेळा उघडबंद करा. असे केल्यास जाम झालेल्या गोष्टी लगेच सैल होतील आणि सहज उघडतील.

५. अनेक वेळा दारे खिडक्या उघडल्यावर चर- चर आवाज येतात. तसेच अनेकदा कडी देखील खूप घट्ट होते. तेव्हा यावर मोहरीचे तेल उपयोगी ठरू शकते. तेव्हा एका कोरड्या कपड्यावर मोहरीच्या तेलाचे काही थेंबी ओता. या कपड्याने लोखंडी कडी, दरवाजे आणि खिडक्या पुसा असे कल्याने ते सहज उघडता येईल.

६. पावसाळ्यात अनेक वेळा लाकडी दरवाजे – खिडक्या फुगतात, त्यामुळे ते घट्ट होतात आणि सहज बंद होत नाहीत. तेव्हा घराचे दरवाजे आणि खिडक्या फुगल्या असतील तर त्यांना शक्यतो बंदच ठेवा. कारण उघडे ठेवल्याने ते आणखीन फुगण्याची शक्यता असते.